洪綺蔓傳來小說，書寫公屋妹做的種種事項，未成年抽煙、喝酒，做盡一切「MK妹」會做的事。公屋妹穿著真理褲和寬鬆黑T恤，逃避校服的純白，卻逃不開生活的灰色。她的夢想很大，在蘭桂坊的電子煙閃光中，在金毛飛的Supreme 上衣與DR鑽戒裡，她看見自己逃離公屋，住進三房兩廁的奢華。夢想觸手可及，公屋妹卻總被現實拽回公屋三樓的蟲鳴與寒風，在都市邊緣用一口煙、一聲笑，呈現出夢想與現實之間的無奈與張力。

南哥用魚骨撩緊牙嘅時候，阿成同佢講，晏晝自己有個親戚過嚟，叫佢幫手帶一帶。電視度，第一場馬啱啱跑完，茶餐廳裡面，大家都「X」一聲。喺「七仔」嘆多一陣冷氣，拎住罐青島，喺門口食埋支煙。見唔到「黑仔」。笠返個死人頭盔，爬兩層樓梯，繼續搵命博。34度，個新人乜柒都唔識，佢自己一邊燒，仲要一邊教，南哥都唔知自己到底流咗幾多汗，佢覺得個人似個天氣咁濕滯。